‘Dinhi nalang ko’
Tulang Binisaya
Sa layo na paglakaw, Daghan ko og nakita og naagian, Pulos mga kahadlok sa kinabuhi, Naay uban dili kasakit, Tungod ana mahadlok nako mag hapit-hapit.
Get Adilyn Samuel’s stories in your inbox
Join Medium for free to get updates from this writer.
Sa balay na akong naagian, Gitawag ko, ‘Uy ali diri, Ayaw sag lakaw’, Ni-hapit ko, Na kuyawan ko, Naa na poy baha na dili kaya tabukon, Kamatyunon ko, Unsaon nako pagtabok na dili madala sa kusog na baha sa sapa na dihang daghan namatay niadto?
Ngano man nga dili nako kaya? Sige rako og lakaw, Walay koy nakat-unan, Unya ning hapit ko, Dili ko kabalo aning dapita.
Ang kinabuhi daw murag dula, Nag dula bitaw ko, Murag nagkayagaw ko, Murag layaw sa kalsada og buang, Wala kabalo asang utok, Wala kabalo asa mo hunong.
Nang makita nako ang balay na naay kinabuhi sa usa ka tawo na malinawon, Na makab-ot nako akong pangandoy, Mahino nako tanan nako gusto, Gi tawag napod ko, Og ni hapit ko,Dinhi nalang ko.
